Lənkəranda qəza nəticəsində avtomobil məhəccərə çarpılıb. Bu haqda məlumatı Cenublu.az bu gün, 21 iyun tarixində Report.az-a istinadən verir.
Hadisə Ələt–Astara magistralının 169-cu km-də baş verib. Belə ki, Rusiya vətəndaşı, 60 yaşlı Tərlan Əsəd oğlu Tahirovun idarə etdiyi "Hyundai" markalı minik avtomobili idarəetmədən çıxaraq yol kənarındakı məhəccərlərə çarpılıb. Nəticədə avtomobildəki sərnişinlər – Lerik rayonuna ziyarətə gedən 64 yaşlı Tamella Kərim qızı Tahirova, 53 yaşlı Aytən Ziyafəddin qızı Qarayeva və 56 yaşlı Rəhilə Kərim qızı Hüseynova müxtəlif dərəcəli bədən xəsarətləri alıblar.
Yaralılar Lənkəran Rayon Mərkəzi Xəstəxanasına çatdırılıblar.
Faktla bağlı araşdırma aparılır.
