Lənkəranda baş vermiş qəza ilə bağlı bir sıra təfərrüatlar məlum olub.
Cenublu.az xəbər verir ki, sükan arxasında yuxulu olan sürücü maşını aşırıb, 5 nəfər xəsarət alıb. Beləliklə, Lerik rayonuna toy məclisinə gedənlər qəzaya düşüb.
Qəza Ələt-Astara magistralının 165-ci km-də Lənkəran rayonu ərazisindən keçən hissəsində qeydə alınıb. 1976-cı il təvəllüdlü Fəxrəddin Şəmsəli oğlu Mirzəyev idarə etdiyi "Toyota Prado" markalı avtomobillə Astara rayonu istiqamətində hərəkətdə olarkən anidən maşını aşırıb. Qəza nəticəsində sürücünün ailə üzvləri və yaxın qohumları – 1980-cı il təvəllüdlü Yeganə Vəlihəd qızı Alişanova (yoldaşı), 2003-cü il təvəllüdlü Afət Fəxrəddin qızı Mirzəyeva (qızı), 2005-ci il təvəllüdlü Fəxriyyə Fəxrəddin qızı Mirzəyeva (qızı), 1966-cı il təvəllüdlü Tahirə Vəlihəd qızı Alişanova (baldızı) və 2012-ci il təvəllüdlü azyaşlı A.Məmmədov müxtəlif dərəcəli bədən xəsarətləri alaraq Lənkəran rayon mərkəzi xəstəxanasının Təcili yardım şöbəsinə hospitalizasiya olunublar.
Xəsarət alanlardan Yeganə Alişanova cərrahiyyə şöbəsinə yerləşdirilib.
Ələt-Astara magistralının Lənkəran rayonu ərazisindən keçən hissəsində, Girdəni kəndi yaxınlığında qəza baş verib.
Cenublu.az xəbər verir ki, yol-nəqliyyat hadisəsi nəticəsində “Prado” markalı avtomobil çevrilib, 4 nəfər xəsarət alıb.
