Lənkəran rayonunun Sütəmurdov kəndində yenicə istifadəyə verilimiş işıqfor artıq bir neçə gündür ki, işləmir. Bu haqda məlumatı Cenublu.az bu gün, 18 fevral tarixində verir.
Müraciət edən sakinlər bildiriblər ki, bu, məktəbə gedən yoldur və gün ərzində buradan yüzlərlə şagird istifadə edir.
“Bu yol barəsində daha öncə də şikayət etmişdik. Yolda işıqforun olmasının zəruri olduğunu bildirdik və sağ olsunlar, aidiyyəti qurumlar əraziyə işıqfor yerləşdirdilər. Təzəlikcə burada qəza olub və o vaxtdan bəri işıqfor yenə işləmir. Bu yol çox təhlükəlidir. Aidiyyəti qurumlardan xahiş edirik, işıqforu təmir etsinlər və buraya radar yerləşdirsinlər ki, sürücülər sürət həddini aşmasınlar”, - deyə sakinlər bildiriblər.
[caption id="attachment_33792" align="alignnone" width="336"]
Foto Cenublu.az[/caption]
