Lənkəran şəhərinin Əli Məmmədov küçəsi ilə bağlı sakinlər bu gün, 12 sentyabr tarixində Cenublu.az-a müraciət ediblər.
Sakinlər bildirirlər ki, daim gediş-gəlişli olan küçənin vəziyyəti heç də ürəkaçan deyil:
“Yağış yağan kimi bu yolun dərdi başlayır. Küçədə çuxurlar o qədər dərindir ki, avtomobillərə ziyan vdəyir. Üstəlik də çuxura düşən avtomobil piyadanın üst-başını palçıq edir. LDU-nun korpusu bu küçədə yerləşir. Dərslər başlayanda yenə tələbələr palçıq içində dərsə getməli olacaqlar. LDU ilə yanaşı, küçədə böyük və kiçik marketlər və bir çox qurumlar yerləşir. Xahiş edirik, aidiyyəti qurumlar bunları nəzərə alıb yolu təmir etsin”.
