Lənkəran şəhəri, 20 Yanvar küçəsinin yol örtüyündə əmələ gələn çuxurlar sakinləri narahat edir. Bununla bağlı onlar bu gün, 27 dekabr tarixində Cenublu.az-a müraciət ediblər.
Sakinlərin sözlərinə görə, cari ildə aparılan asfaltlanma işləri yaşadıqları küçədən yan keçib:
“Ümid edirik ki, üzümüzə gələn ildə bizim də küçənin yolları təmir olunar və əmələ gəlmiş çala-çuxurdan daha avtomobillərimiz zədələnməz”.
Qeyd edək ki, cari il ərzində Lənkəranda 12 küçənin asfaltlanması həyata keçirilib və 26.170 kv.m əraziyə yeni asfalt döşənib. İcra Hakimiyyətindən bildirilib ki, ilin sonunadək davam edəcək asfaltlanma prosesində daha 9 küçənin asfaltlanması nəzərdə tutulur.
Xatırladaq ki, Qala Xiyabanı, Hənifə Abdullayev, Kələntərlilər, Mirsalayev, Əliağa Vahid, Mirzə Fətəli Axundov, Vaqif Hüseynov, Tofiq İsmayılov, döngə 3, Şahin Məmmədov, Şəhidlər Xiyabanı, döngə 3, şəhid Vüsal Quliyev, Nəsirli, dalan 2, Vaqif Məmmədov, Tofiq İsmayılov, döngə 2 və Şəhid Teymur Gənciyev küçələri carı il ərzində asfaltlanıb.
