Lənkəran şəhəri, Heydər Əliyev küçəsində, Kiçik Bazar məscidinin yanındakı dördmərtəbəli binanın yerləşdiyi yollar abadlığa həsrətdir.
Bununla bağlı Cenublu.az-a təkrar müraciət edilib.
Əvvəlki xəbərdə qeyd edildiyi kimi, sakinlər tərəfindən bildirilib ki, yoldakı çuxurlar yağışlı havada su ilə dolur və bu da hərəkəti mürəkkəbləşdirir.
Bundan başqa, həmin yolda kənara atılmış qurumuş ağac budaqları da yığışdırılmır. Məişət tullantılarını vaxtaşırı toplayan MKTİ işçiləri onlardan həmin ağac budaqlarını götürməyi xahiş edən sakinlərə bildiriblər ki, bu, onların vəzifəsi deyil.
Bütün bu məsələlərin işıqlandırılmasına baxmayaraq, aidiyyəti qurumlar tərəfindən heç bir tədbir görülməyib.
Sakinlər bir daha xahiş edirlər: Lənkəran şəhərinin abadlığına cavabdeh olan dövlət qurumları, nəhayət ki, vəzifə bölgülərinə aydınlıq gətirsinlər və bu problemlər tez bir zamanda aradan qaldırılsın.
