Cəlilabad rayonunun Göytəpə şəhərinin bəzi yolları sakinləri narahat edir. Bununla bağlı onlar bu gün, 6 mart tarixində Cenublu.az-a müraciət ediblər.
Sakinlərin sözlərinə görə, Göytəpə şəhərinin mərkəzindən Ləngan-Əhmədli istiqamətinə gedən yol çala-çuxurlu olduğundan sakinlər hərəkət etməkdə çətinlik çəkirlər:
“Lənganda peşə məktəbi açılanda yol yarıya kimi təmir olundu. Yoldan gün ərzində yüzlərlə nəqliyyat vasitəsi keçir. Yağış yağan kimi çuxurlar su ilə dolur. Sürücülər də məcburi ya piyada yoluna, ya da qarşı istiqamətə çıxmalı olurlar. Bu hal isə yolda ciddi təhlükə yaradır. Xahiş edirik, bunları nəzərə alıb yolumuzu təmir etsinlər”.
