73 saylı Lənkəran şəhər seçki dairəsində seçilən deputat Rüfət Quliyev sakinləri narahat edən məsələyə toxunub.
Milli Məclisin İqtisadi siyasət, sənaye və sahibkarlıq komitəsinin iclasında çıxış edən Rüfət Quliyev bildirib:
“Dövlət Şəhərsalma və Arxitektura Komitəsi tikinti üçün icazəni verir, elə ki 3 daş qoyulur, bir də görürsən tökülüşdülər, hərə bir qara qovluqla gəlir, deyir ki, bunun sənədini göstər”.
“Sənəd göstərilir, deyirlər ki, yox e, filan yerdən də icazə al. Qanun deyir ki, 12 metrə qədər olan tikintilərdə heç bir sual olmamalıdır. Amma yenə də gəlirlər, bu onun boynuna atır, o bunun boynuna atır. Dövlət Şəhərsalma və Arxitektura Komitəsinin bütün problemləri öz üzərinə götürülməsi üçün səlahiyyətlər komitədə olmalıdır, - deyə deputat əlavə edib.
