Prezidentin Sərəncamına uyğun olaraq, Astara rayonunun Düriyyə-Şümrüd avtomobil yolunun əsaslı təmirinə start verilib. Bu haqda məlumatı Cenublu.az bu gün, 8 yanvar tarixində verir.
Azərbaycan Avtomobil Yolları Dövlət Agentliyinin məlumatına görə, ümumi uzunluğu 5 km təşkil edən yolun eni 8 metrə qədər genişləndirilir. Bura 4 metrlik hərəkət hissəsi və 2 metrlik çiyinlər daxildir.
Belə ki, yenidənqurma işləri çərçivəsində yol yatağının yararsız qruntu qazılaraq çıxarılır, kipləşdirmə işləri aparılır, zəruri olan yerlərdə müxtəlif diametrlərə malik yeni suötürücü dəmir-beton borular quraşdırılır.
İşlər texnoloji ardıcıllığa riayət olunmaqla və yüksək sürətlə aparılır.
“İnşaat Norma və Qaydaları”na əsasən, layihənin sonuncu mərhələsində qum-çınqıl qarışığından ibarət yol geyiminin tikintisi aparılacaq.
