Ölkə ərazisində müşahidə olunan intensiv yağıntılar cənub bölgəsinin avtomobil yollarında da fəsadlara səbəb olub. Bu haqda məlumatı Cenublu.az bu gün, 27 iyun tarixində verir.
Lənkəran–Lerik, Masallı–Yardımlı, Cəlilabad–Yardımlı, Vəlixanlı–Alçabulaq, Gölyeri–Ləzir, Porsova, Yardımlı–Bozayran–Bürzünbül–Vərgədüz, Horavar–Əngövül–Vərov–Keçələkəran avtomobil yollarının bəzi hissələri yararsız hala düşüb, suötürücü borular sıradan çıxıb. Bununla əlaqədar AAYDA-nın xüsusi texnika və canlı qüvvəsi səfərbər olunub.
Aparılan işlər çərçivəsində yollardan sel suları nəticəsində toplanmış lil, palçıq və qum-çınqıl təmizlənib, hərəkətin fasiləsizliyi və təhlükəsizliyi təmin olunub.
Hazırda yollarda təmizləmə işləri davam etdirilir.
