Cəlilabad rayonunun Uzuntəpə kəndi ərazisində yol sakinlərin hərəkətini məhdudlaşdırır. Bu haqda məlumatı Cenublu.az bu gün 16 dekabr tarixində Report.az-a istinadən verir.
Belə ki, kəndin şəhid Əli Qənbərovun adını daşıyan küçəsinin yollarında hərəkət etmək mümkün deyil. 100-ə yaxın ailənin yaşadığı küçə uzun müddətdir bu vəziyyətdədir. Xüsusilə yağış yağan kimi yol bərbad olduğundan uşaqları məktəbə aparıb-gətirməkdə çətinlik yaradır.
Məsələ ilə bağlı Cəlilabad Rayon İcra Hakimiyyəti başçısının Uzuntəpə kəndi üzrə nümayəndəliyi bildirib ki, küçələrdə təmir işləri aparılacaq.
