Cəlilabad rayonu, Gülməmmədli kəndi, Qarazəncir-Bayxanlı yoluna naməlum şəxslər tərəfindən boru basdırılıb və nəticədə 15-20 santimetr hündürlüyündə tramplin yaranıb. Bu haqda məlumatı Cenublu.az bu gün, 30 mart tarixində Patrul.az-a istinadən verir.
Borunun avtomobil yolundan keçən hissəsi qumla basdırıldıqdan yaranan tramplin gözlə görünmür. Həmçinin tramplinə çatmazdan əvvəl heç bir məlumatverici işarə yoxdur. Sürücü yalnız avtomobilinin altı yerə dəyən zaman tramplini görür. Nəticədə bir çox avtomobillərə zərər dəyib.
Sakinlər qanunazid halın aradan qalxacağına və səbəbkarların qanuni cəza alacaqlarına ümid edirlər.
