Cəlilabadda 14 dekabr tarixində baş verən qəza nəticəsində xəsarət alanların vəziyyətləri məlum olub. Bu haqda məlumatı Cenublu.az bu gün 15 dekabr tarixində Report.az-a istinadən verir.
Belə ki, ümumilikdə zərərçəkənlərdən 3 nəfərin (1 kişi, 2 qadın) vəziyyəti orta ağır, 2 nəfərin (kişi cinsli) durumu isə kritik ağır olaraq qiymətləndirilir. Onlardan 4 nəfər Cəlilabad Rayon Mərkəzi Xəstəxanasının Reanimasiya şöbəsinə yerləşdirilib. Mehrac Qəhrəmanov isə ağır duruma görə Bakıda yerləşən xəstəxanaya göndərilib.
"Onlara müxtəlif nahiyələrin küt travması, daxili qanaxma, kəllə sümüklərinin açıq sınığı və qarın boşluğu orqanlarının zədələnməsi diaqnozları qoyulub", – deyə qurumdan bildirilib.
Qeyd edək ki, qəza zamanı ölən şəxsin kimliyi müəyyən edilib. O, Biləsuvar rayonunun Xırmandalı kənd sakini, 32 yaşlı Xosrov Cəfərlidir.
