Cəlilabad rayonunda xəsarətlə nəticələnən yol qəzası baş verib. Bu haqda məlumatı Cenublu.az bu gün, 6 aprel tarixində Apa.az-a istinadən verir.
Hadisə Novruzallı kəndində qeydə alınıb. Hərəkətdə olan "VAZ-2107" avtomobili 11 yaşlı A.Ağayevi vurub. Nəticədə piyada xəsarət alıb. O, təcili tibbi yardım vasitəsilə Rayon Mərkəzi Xəstəxanasına çatdırılıb. Həkimlər ona qapalı kəllə-beyin travması diaqnozu qoyublar.
Hazırda onun müalicəsi reanimasiya şöbəsində davam etdirilir, vəziyyəti orta-ağır qiymətləndirilir.
Faktla bağlı araşdırma aparılır.
