Cəlilabadda ulu öndər Heydər Əliyevin 100 illik yubileyinə həsr olunmuş futbol üzrə rayon çempionatına yekun vurulub. Bu haqda məlumatı Cenublu.az bu gün, 8 iyun tarixində Cəlilabad Rayon Gənclər və İdman İdarəsinə istinadən verir.
Cəlilabad şəhər Mərkəzi Stadionunda keçirilən çempionatın final oyununda Mədətli kənd və Petrovka komandaları üz-üzə gəlib. Oyun Mədətli kənd komandasının 1:0 hesablı qələbəsi ilə yekunlaşıb.
Sonda qalib komandalar kubok, diplom və hədiyyələrlə təltif olunub.Qeyd edək ki, çempionat Cəlilabad Rayon İcra Hakimiyyəti, Rayon Gənclər və İdman İdarəsi və "Məhsul" KKİC-nin rayon şöbəsinin birgə təşkilatçılığı ilə keçirilib.