Cəlilabadda xəsarətlə nəticələnən yol qəzası baş verib. Bu haqda məlumatı Cenublu.az bu gün, 7 dekabr tarixində Report.az-a istinadən verir.
Hadisə rayonun Abışabad kəndi yaxınlığında qeydə alınıb. Belə ki, qəza zamanı Fəxrəddin Fərəcovun idarə etdiyi “Mercedes” və Adil Abbasovun idarə etdiyi “VAZ-2107” markalı minik avtomobilləri toqquşub.
Nəticədə sürücü, 61 yaşlı F. Fərəcov, 32 yaşlı Aygül Əliyeva, 41 yaşlı Seymur Əliyev və 6 yaşlı Seyidağa Əliyev xəsarət alaraq xəstəxanaya çatdırılıblar. Daha sonra sürücü A.Abbasov da xəsarət aldığından xəstəxanaya müraciət edib.
Araşdırma aparılır.
