Cəlilabad rayonunda ölümlə nəticələnən qəza qeydə alınıb. Bu haqda məlumatı Cenublu.az bu gün, 15 mart tarixində Report.az-a istinadən verir.
Hadisə Ələt–Astara magistralının 123 km-də, Cəlilabad rayonunun Göytəpə şəhəri ərazisində baş verib. Hərəkətdə olan "Hyundai Getz" markalı minik avtomobili 67 yaşlı Şamil Mirzəyevə məxsus nasaz vəziyyətdə dayanan "Mercedes" markalı avtomobilə arxadan çarpılıb. Nəticədə avtomobilin yanında dayanan sürücü Ş.Mirzəyev aldığı xəsarətlərdən hadisə yerində dünyasını deyişib.
Həmçinin məlum olub ki, iki nəfər xəsarət alıb. Onlardan biri olan qadın döş qəfəsinin küt travması diaqnozu ilə Cəlilabad Rayon Mərkəzi Xəstəxanasına çatdırılıb. O, lazımi tibbi yardım göstərildikdən sonra ambulator müalicə üçün evə buraxılıb.
Didər yaralı, Kürdəmir rayon sakini, 25 yaşlı Əlövsət Abdullayev Masallı Rayon Mərkəzi Xəstəxanasına yerləşdirilib.
Fakt üzrə araşdırma aparılır.
