Cəlilabad rayonunda xəsarətlərlə nəticələnən yol qəzası baş verib. Bu haqda məlumatı Cenublu.az bu gün, 25 dekabr tarixində Apa.az-a istinadən verir.
Hadisə Cəlilabad şəhərinin mərkəzində qeydə alınıb. Rayon sakini Mehti Məmmədovun idarə etdiyi "Volkswagen Passat" markalı avtomobil Əliqardaş Nəsirovun idarə etdiyi "Renault Megane" markalı minik avtomobili ilə toqquşub.
Nəticədə avtomobillərdə olan sərnişinlər – 66 yaşlı Sona Məmmədova, 65 yaşlı Firudin Aslanov, 30 yaşlı Xəyalə Muxtarova və 6 yaşlı Elif Məmmədova müxtəlif dərəcəli bədən xəsarətləri alıblar. Onlar Rayon Mərkəzi Xəstəxanasına çatdırılıblar.
Araşdırma aparılır.
