Cəlilabad rayonuna hüzür məclisinə gedənlər qəzaya düşüblər.
Cenublu.az xəbər verir ki, baş verən qəza nəticəsində xəsarət alanlar var.
Hadisə rayonun Uzuntəpə kəndi ərazisində qeydə alınıb.
Hərəkətdə olan "Prius" və "VAZ 2107" markalı minik avtomobilləri toqquşub. Nəticədə "Prius" aşıb.
Hadisə nəticəsində iki nəfər - 1964-cü il təvəllüdlü Abdul Vəlişov və 1989-cu il təvəllüdlü Vüsal Vəliyev müxtəlif dərəcəli bədən xəsarətləri alıb. Yaralılar təcili tibbi yardım avtomobili ilə Cəlilabad Rayon Mərkəzi Xəstəxanasına çatdırılıb.k
İlkin olaraq qəzaya səbəbin hava şəraitinin yağışlı olması bildirilir.
Faktla bağlı araşdırma aparılır.
