Köhnə Ələt–Astara magistralının Astara rayonunun Giləkəran kənd ərazisindən keçən hissəsində çoxlu sayda çuxurlar əmələ gəlib. Bu haqda məlumatı Cenublu.az bu gün, 20 aprel tarixində verir.
Sakinlər bildirirlər ki, gediş-gəlişli olan yolda bu cür çuxurların olması avtomobillərə ziyan vurur:
“Burada sürət həddinin 60 km/saat olmasına baxmayaraq, çuxurlara çatdıqda əyləcə basmalı oluruq. Bu da arxadan gələn avtomobili çaş-baş salaraq qəza şəraiti yaradır. Bunları nəzərə alaraq, aidiyyəti qurumlardan yolun təmir olunmasını xahiş edirik”.
