Bu gün, 13 aprel tarixində saat 10:00-dan etibarən Lənkəranın mərkəzində qazın verilişində fasilə yaranacaq. Bu haqda məlumatı Cenublu.az verir.Belə ki, “Lənkəran” ölçü qovşağından qidalanan şəhərin Ş.Xiyabanı küçəsində RDQ tipli qaz tənzimləyicisinin quraşdırılması və Lənkəran şəhəri Ş.Axundov küçəsi, 12 ünvanında “Qala Tover” MTK-ya məxsus çoxmərtəbəli 84 mənzilli yaşayış binasının qaz xəttinin əsas daşıyıcı qaz xəttinə qoşulmasından ötrü H.Əliyev, Şəhidlər xiyabanı, D.Qorqud, Vidadi, Ş.Axundov, Z.Əliyeva, Ə.Vahid, M.Axundov, Səttərxan, Cavanşir və V.Hüseynov küçələrində, ümumilikdə 11.000-ə yaxın abonentin qaz təchizatının 13 aprel 2023-cü il saat 10:00-dan işlər yekunlaşana qədər dayandırılması planlaşdırılır.Sakinlərdən qaz təchizatı avadanlıqlarını nəzarətdə saxlamaq və təhlükəsizlik tədbirlərinə riayət etmək xahiş olunur.
