Astara rayonunda intensiv yağışlar bəzi yollarda gölməçələrin yaranmasına səbəb olub. Bu haqda məlumatı Cenublu.az bu gün, 15 dekabr tarixində Apa-ya istinadən verir.
Söhbət Şiyəkəran kəndinin yollarından gedir. Belə ki, küçələrdə böyük gölməçələr yaranıb. Nəticədə sakinlərin gediş-gəlişi məhdudlaşıb. Onlar uşaqları məktəbə apardıqda çətinlik çəkirlər.
Bu məsələ ilə bağlı Şiyəkəran kənd bələdiyyəsinin sədr əvəzi Rövşən Heydərov bildirib ki, yolların bu vəziyyətdə olmasına səbəb axar sular üçün su ötürücü kanalların olmamasıdır. O qeyd edib: "Dəfələrlə yollara qreyder salınıb, yollar hamarlanıb. Suötürücü kanallar olmadığı üçün yağış yağanda gölməçələr yenidən yaranır".
