Astarada ağır yol qəzası baş verib. Bu haqda məlumatı Cenublu.az bu gün, 2 aprel tarixində verir.
Hadisə Ərçivan qəsəbəsində baş verib. 99-SZ-632 dövlət qeydiyyat nömrə nişanlı “BMW” markalı avtomobil idarəetmədən çıxaraq yol kənarında hərəkətsiz dayanan Rusiya vətəndaşı, 56 yaşlı Maqammədəmin Abdullaşa məxsus yük avtomobilinə çarpılıb.
Qəza nəticəsində sürücü, Şiyəkəran kənd sakini, 31 yaşlı Mirzəmməd Elman oğlu Əliyev və onun həyat yoldaşı, 22 yaşlı Fərqanə İlham qızı Əliyeva, onların 3 yaşlı uşaqları Gülxanım Mirzəmməd qızı Əliyeva avtomobildə yanaraq ölüblər.
Meyitlər nəqliyyat vasitəsindən çıxarılaraq aidiyyəti üzrə təhvil verilib.
Faktla bağlı araşdırma aparılır.
