Astarada əsgər yolasalma mərasimində avtoxuliqanlıq hərəkətləri edərək görüntüləri sosial mediada paylaşan Astara rayon sakinləri Dövlət Yol Polisi əməkdaşları tərəfindən saxlanılıblar. Bu haqda məlumatı Cenublu.az bu gün, 8 iyul tarixində Report.az-a istinadən verir.
Hadisə Bakı-Astara şosesində qeydə alınıb. Belə ki, 29 yaşlı Məhərrəmov Vüsal İxtiyar oğlu, 27 yaşlı Məmmədov Eltun Firdovsi oğlu, 23 yaşlı İdrisov Raqib Şadulla oğlu, 27 yaşlı Qasımov Namiq Sərdar oğlu və 23 yaşlı Zayidov İsaq Söhrab oğlu “VAZ-2107” markalı, 10-UP-384, 07-BJ-701 dövlət qeydiyyat nişanlı, “VAZ-2106” markalı, 07-BG-671, 66-BA-912 dövlət qeydiyyat nişanlı və “VAZ-21015” markalı, 07-BC-715 dövlət qeydiyyat nişanlı avtomobillərlə magistral yolda təhlükəli manevrlərlə həm özlərinin, həm də digər yol hərəkəti iştirakçılarının həyat və sağlamlıqlarını təhlükəyə atıblar.
Hadisədən sonra həmin şəxslər Baş DYP İdarəsinın əməkdaşları tərəfindən saxlanılıblar.
Onların hər biri bir il müddətinə sürücülük hüququndan məhrum edilməklə yanaşı, 15 sutka həbs cəzası alıb.
