Astara rayon sakini Xocalı rayonunda qəza keçirib. Bu haqda məlumatı Cenublu.az bu gün, 16 fevral tarixində Daxili İşlər Nazirliyinə istinadən verir.
Hadisə rayonun Çanaqcı kəndi ərazisində baş verib. Belə ki, Astara rayon sakini, 38 yaşlı Qılman Rəhimov idarəetməni itirərək "Mersedes" markalı betontökən avtomobili yol kənarındakı beton səthə çarparaq aşırıb.
Nəticədə sürücü və sərnişin, Tovuz rayon sakini, 29 yaşlı Şinasin Niyazov müxtəlif bədən xəsarətləri alıblar. Xəsarət alanlar xəstəxanaya yerləşdiriliblər, ərazidə nəqliyyatın hərəkəti bərpa olunub.
Faktla bağlı araşdırma aparılır.
