Masallı rayon İcra Hakimiyyətinin başçısı Araz Əhmədov Füzuli küçəsində aparılan abadlıq və yenidənqurma işləri ilə yerində tanış olub. Bu haqda məlumatı Cenublu.az bu gün, 7 dekabr tarixində verir.
Belə ki, adıçəkilən küçə ilə bağlı vətəndaşlar tərəfindən mütəmadi olaraq müraciətlər daxil olurdu. Bununla bağlı rayon rəhbərinin göstərişi ilə küçədə abadlıq quruculuq işlərinə başlanılıb, küçənin hər iki tərəfində piyada səkiləri bərpa olunub, küçəyə asfalt örtüyü döşənib və küçə müasir işıqlandırma sistemi ilə təchiz olunub.
Həmçinin Araz Əhmədov rayonun Ərkivan qəsəbəsində və Şatıroba kəndində şəhid adına olan küçələrə asfalt örtüyünün döşənməsi işləri ilə də yerində tanış olub.
