***
Astarada sellə əlaqədar bir sıra ailələr evlərindən təxliyə olunub. Bu haqda məlumatı Cenublu.az Report-a istinadən verir.
Astaraçayın daşması nəticəsində Ərçivan qəsəbəsində 200-ə yaxın evin həyətini su basıb. Bəzi yerlərdə suyun səviyyəsi bir metrdən yuxarı olub.
Subasma daha çox qəsəbənin Qurtuluş, Azadlıq, Sahib Kələntərov, Şəhid Baba Qasımov və Bəxtiyar Əliyev küçələrindəki həyətlərdə qeydə alınıb.
Hazırda Fövqəladə Hallar Nazirliyinin xilasediciləri ərazidə təxliyə işlərini həyata keçirirlər və suyun əks axınını təmin etmək üçün işlər görülür.
***
Astara rayonunun Ərçivan qəsəbəsini su basıb. Bu haqda məlumatı Cenublu.az bu gün, 18 sentyabr tarixində verir.
Belə ki, aramsız yağan yağışlar nəticəsində Ərçivançay daşıb və Ələt-Astara magistral yolunun Ərçivan qəsəbəsindən keçən hissəsi, Ərçivan qəsəbə 3 saylı məktəbinin həyəti və ətrafda yerləşən yaşayış evlərinin həyəti su altında qalıb. Sakinlərin verdiyi məlumata görə, həyətyanı sahədə park olunan avtomobillər belə su altında qalıb.
