Biləsuvar şəhər Əlövsət Eynullayev adına 4 nömrəli tam orta məktəbin şagirdi Ümmügülsüm Nasir qızı Ruhullayeva son 3 ayda qazandığı uğurlarla diqqət çəkib.O, qısa müddətdə 9 medal qazanaraq Azərbaycanı beynəlxalq arenada layiqincə təmsil edib.Ümmügülsüm Beynəlxalq "Mathxcel" Riyaziyyat Olimpiadasında qızıl medal əldə edərək ABŞ-nin Los-Anceles şəhərində keçiriləcək final mərhələsinə vəsiqə qazanıb.O, həmçinin Lütfi Zadə adına iki olimpiadada, eyni zamanda Elm və Təhsil İnstitutunun yarışında qızıl medallara layiq görülüb, sonuncuda isə 100 faiz nəticə göstərib.Bundan əlavə, Paskal və FISO olimpiadalarında gümüş, Kopernik olimpiadasında isə bürünc medal qazanıb.
