Lənkəran-Vilvan-Osakücə-Tükəncil avtomobil yolunun təmirə ehtiyacı var. Bu haqda məlumatı Cenublu.az bu gün, 4 sentyabr tarixində verir.
Sakinlər bildirirlər ki, qeyd olunan yol ilə nəinki sedan, hətta yolsuzluq avtomobilləri belə hərəkət edə bilmir:
“Yolun bəzi hissələri deformasiyaya uğrayıb, bəziləri isə çöküb. Yağışlı havada hərəkət, ümumiyyətlə, iflic olur. Xahiş edirik aidiyyəti qurumlardan, yolu təmir etsinlər”.
Qeyd edək ki, Lənkəran-Vilvan-Osakücə-Tükəncil avtomobil yolu 2012-ci ildə dövlət büdcəsindən ayrılan 4 mln manat vəsait hesabına yenidən qurulub və yolun açılışında Prezident İlham Əliyev iştirak edib. Bu yol 40 mindən çox əhali tərəfindən mütəmadi olaraq istifadə olunur.
