Masallıda xanımlar arasında breyn-rinq yarışması təşkil olunub. Bu haqda bu gün, 9 mart tarixində Cenublu.az Lənkəran-Astara Regional Təhsil İdarəsinə istinadən xəbər verir.
8 Mart - Beynəlxalq Qadınlar Gününə həsr olunan yarışma Masallı rayon İcra Hakimiyyətinin, Masallı rayonu üzrə təhsil sektorunun, Gənclər və İdman İdarəsinin, “Masallı Gənclər Evi” SXM-in birgə təşkilatçılığı və Masallı Regional Mədəniyyət İdarəsin, Masallı Dövlət Regional Kollecinin və Masallı rayon “ASAN Xidmət” mərkəzinin iştirakı ilə keçirilib. Gərgin keçən mübarizədə birinci yerə Masallı Regional Mədəniyyət İdarəsinin “Buta” komandası, ikinci yerə Masallı rayonu üzrə təhsil sektorunun “Təhsil” komandası, üçüncü yerə Masallı Dövlət Regional Kollecinin “Zəfər” komandası layiq görülüb.
Qalib komandalar təşkilat komitəsi tərəfindən diplom, hədiyyə və təşəkkürnamə ilə təltif olunublar.
