Yeni Azərbaycan Partiyasının Lənkəran rayon təşkilatı üzrə 3 saylı (Lənkəran Dövlət Universiteti) ərazi partiya təşkilatının növbəti hesabat seçki yığıncağı keçirilib. Bu haqda məlumatı Cenublu.az bu gün, 13 mart tarixində verir.
İclasda YAP Lənkəran rayon təşkilatının sədri İqbal Əmənullayev, təşkilatın əməkdaşları, Lənkəran Dövlət Universitetinin rektoru professor Natiq İbrahimov və pedaqoji kollektiv iştirak ediblər.
Tədbirdə çıxış edənlər partiyanın VII Qurultayından bəhs edərək yeni Nizamnamə və proqramın, eləcə də struktur dəyişikliklərinin partiyanın gələcək inkişafına əsaslı zəmin yaratdığını bildiriblər, ulu öndər Heydər Əliyevin mütərəqqi ideyalarının daşıyıcısı olan YAP-nin keçdiyi yola nəzər salıb və ölkəmizin qazandığı uğurlardan danışıblar.
Sonra təşkilati məsələlərə baxılıb. Ramiz Şəmmədov təşkilatın sədri, Müşfiq Bayramov isə sədr müavini seçiliblər.
