Lənkəranda bir həyətdə 3-ci dəfə yanğın olub.
Cenublu.az xəbər verir ki, gecə saatlarında Lənkəran rayonunun Şağlaser kəndində, Elçin Əliyevə məxsus tövlə yanıb. Ev sahibi deyir ki, tövlədə 7000 bağlama ot, toyuq-cücə və ördəklər olub. "Bir dəfə evimi yandırdılar, indi də ikinci dəfə tövləmi yandırıblar. Kim və nə üçün edir bilmirəm".
Dərhal əraziyə FHN-nin Lənkəran yanğından mühafizə hissəsinin iki texnikası və canlı qüvvəsi cəlb olunub. Görülən operativ tədbirlərlə yanğın lokallaşdırılıb. Alovun tam söndürülməsi və digər tikililərə keçməsinin qarşısını almaq üçün işlər davam etdirilir.
Yanğının qəsdən törədiıməsi və ya hansı səbəbdən baş verdiyi araşdırılır.
