Bu gün Vətən müharibəsi şəhidi Amal Qarayevin ad günüdür.
Amal Ədalət oğlu Qarayev 2001-ci il yanvarın 23-də Yardımlı rayonunun Ərus kəndində anadan olub. Subay idi.
Azərbaycan Ordusunun əsgəri olan Amal Qarayev Vətən müharibəsi zamanı Xüsusi Təyinatlı Qüvvələrin (XTQ) sıralarında Cəbrayılın və Füzulinin azadlığı uğrunda gedən döyüşlərdə savaşıb. O, 2020-ci il oktyabrın 4-də Füzuli döyüşləri zamanı şəhid olub. Yardımlı rayonunda dəfn olunub.
Ölümündən sonra "Vətən uğrunda", "İgidliyə görə", "Cəbrayılın azad olunmasına görə", "Füzulinin azad olunmasına görə" və "Kəlbəcərin azad olunmasına görə" medalları ilə təltif edilib.
