Ukraynanın Xarkov Milli Radioelektronika Universitetinin Beynəlxalq əməkdaşlıq üzrə prorektoru professor Murad Ömərov Lənkəran Dövlət Universitetində olub. Bu haqda məlumatı Cenublu.az bu gün, 28 fevral tarixində verir.
LDU-nun rektoru, professor Natiq İbrahimovla görüşən həmyerlimiz
hər iki universitet üçün ümumi maraq doğuran mövzular barədə müzakirələr aparıb. Görüşdə, həmçinin birgə elmi tədqiqatların aparılması, konfrans, seminar və digər tədbirlərin təşkili, akademik mobillik çərçivəsində universitetlərarası müəllim, mütəxəssis mübadiləsinin həyata keçirilməsi müzakirə olunub.
Görüş zamanı yeni informasiya texnologiyalarının inkişafı və tətbiqi ilə əlaqədar gənc tədqiqatçılar da daxil olmaqla birgə tədqiqat qruplarının yaradılması, innovasiya fəaliyyətinin təşkili və idarə edilməsi sahəsində təcrübə və məlumat mübadiləsinin aparılması və s. barədə qarşılıqlı fikir mübadiləsi olub.
