Lənkəranda yerləşən Hirkan Milli Parkı ərazisi, Xanbulan gölünün ətrafı vətəndaşlar tərəfindən zibillənir. Bu haqda məlumatı Cenublu.az bu gün, 26 dekabr tarixində Oxu.az-a istinadən verir.
Ekologiya və Təbii Sərvətlər Nazirliyinin mətbuat katibi İradə İbrahimova bildirib ki, tullantıların hara gəldi atılması olduqca narahatedici məsələdir.
O qeyd edib ki, ardıcıl olaraq təbliğat işlərinin aparılmasına baxmayaraq, vətəndaşlar tərəfindən dəniz sahillərinə, çay və göllərin kənarlarına, təbiət ərazilərinə tullantıların atılması faktı baş verir.
O, həmçinin bildirib ki, tullantıları təmizləmək Ekologiya və Təbii Sərvətlər Nazirliyinin işi deyil ve nazirlik tərəfindən keçirilən aksiyalar təbliğat və maarifləndirmə xarakteri daşıyır.
