Əmək və əhalinin sosial müdafiəsi nazirinin müavini Vüsal Nəsirli Cəlilabad rayonunda sakinləri qəbul edib. Bu haqda məlumatı Cenublu.az bu gün, 28 fevral tarixində verir.
Müraciət edənlər arasında şəhid ailələrinin üzvləri və müharibə veteranları da olublar. V.Nəsirli onların sosial vəziyyətləri ilə maraqlanıb, bütün şəhid ailələrinin və müharibə veteranlarının qayğı ilə əhatə olunmasının bu gün nazirliyin başlıca fəaliyyət istiqamətlərindən olduğunu bildirib.
Qəbul zamanı vətəndaşların Əmək və Əhalinin Sosial Müdafiəsi Nazirliyinin səlahiyyətləri dairəsinə aid müraciətləri cavablandırılıb, müraciətlərdə əksini tapan məsələlərin həlli ilə əlaqədar tədbirlər görülüb.
