Bu gün Salyandan olan Vətən müharibəsi şəhidi Əfqan Hüseyn oğlu Axundovun dünyaya göz açdığı gündür.
Əfqan Axundov 16 fevral 2000-ci ildə Salyan şəhərində anadan olub.
Ailədə bir qardaş və bir bacı olublar. Əfqan 2015-ci ildə Salyan şəhər 1 saylı humanitar məktəbin 9-cu sinfini bitirərək Dənizçilik Kollecinə daxil olub.
Əsgər Əfqan Axundov oktyabrın 16-da şəhid olsa da, uğrunda canından keçdiyi torpağa oktyabrın 29-da tapşırılıb.
Ölümündən sonra "Vətən uğrunda", "Cəsur döyüşçü" və "Suqovuşanın azad olunmasına görə" medalları ilə təltif edilib.
