Bu gün Vətən uğrunda canından keçən şəhid Telman Həsənli və Şəmsəddin Təhməzovun anadan olduğu gündür.
Telman Rafiq oğlu Həsənli 1998-ci ilin martın 3-də Biləsuvar rayonunun Bağbanlar kəndində anadan olub. O, 2020-ci il oktyabrın 17-də şəhid olub. Telman Həsənli doğulduğu kənd qəbristanlığında torpağa tapşırılıb.
O, ölümündən sonra "Vətən uğrunda", "Xocavəndin azad olunmasına görə", "Döyüşdə fərqlənməyə görə", "Cəbrayılın azad olunmasına görə" və "Füzulinin azad olunmasına görə" medalları ilə təltif edilib.
Şəmsəddin Sərvər oğlu Təhməzov 2001-ci il martın 3-də Masallı rayonunun Güllütəpə kəndində anadan olub. O, 2020-ci ildə oktyabrın 8-də Ağdərə istiqamətində şəhid olub. Masallı rayonunda dəfn olunub.
O, ölümündən sonra "Vətən uğrunda", “Suqovuşanın azad olunmasına görə”, “Cəsur döyüşçü” medalları ilə təltif edilib.
Allah rəhmət etsin!
