Lənkəranda tanışını öldürməkdə təqsirləndirilən şəxsin işi məhkəməyə göndərilib. Bu haqda bu gün, 24 sentyabr tarixində Cenublu.az Apa.az-a istinadən xəbər verir.
Lənkəran rayonu ərazisində 26 iyun saat 16:00 radələrində 32 yaşlı Samir Novruzovun öldürülməsi barədə rayon prokurorluğuna məlumat daxil olub. Araşdırmalar zamanı 47 yaşlı Qulam Səlimovun aralarında yaranmış münaqişə zamanı Samir Novruzova bıçaqla çoxsaylı xəsarətlər yetirərək qəsdən öldürməsinə əsaslı şübhələr müəyyən edilib.
Qulam Səlimov barəsində toplanan cinayət işi materialları baxılması üçün Lənkəran Ağır Cinayətlər Məhkəməsinə göndərilib. İş hakim Müşfiq Məmmədovun icraatına verilib.
Qulam Səlimov şübhəli şəxs qismində tutulub.
