Telejurnalist, aparıcı Natəvan Babayeva uzun sürən xərçəng xəstəliyindən sonra 46 yaşında dünyasını dəyişib. Bu haqda məlumatı Cenublu.az bu gün, 21 iyul tarixində verir.
Natəvan Babayevanın həmkarlarının sözlərinə görə, onun müalicəsinin xərclərini Mübariz Mənsimov qarşılayırdı. O, İstanbulun “Acıbadem” xəstəxanasında dünyaca məşhur onkoloq Gül Başarın yanında müalicə alırdı.
"Acıbadem” xəstəxanasında müalicə almaq üçün ölkədə müraciət etmədiyimiz instansiya qalmadı. Amma səsinə səs verən olmadı. Bu barədə Mübariz Mənsimov xəbər tutdu. Həmişə olduğu kimi, Mübariz Məsimov bu dəfə də sadə azərbaycanlının köməyinə gəldi. Natəvan xanımım müalicə xərclərini ödədi. İgidin haqqını itirmək olmaz”, - deyə aparıcının həmkarı Qənirə Ataşova bildirib.
Qeyd edək ki, Natəvan Babayeva uzun illər ANS, daha sonra AzTV-də televiziya aparıcısı kimi fəaliyyət göstərib. Onun 14 yaşlı oğlu var.
O, Salyan rayonunun Parça Xələc kəndində dəfn olunub.
