Masallıda Dünya Tibbi Araşdırmalar Texnik və Etik Bilimlər Akademiyasının idarə heyətinin üzvü, həkim Şahin Musaoğlu ilə görüş keçirilib. Bu haqda bu gün, 26 noyabr tarixində Cenublu.az Masallı rayon Qızılağac kənd S.Xəlilov adına 1 saylı tam orta məktəbə istinadən xəbər verir.
Görüş Masallı rayon Qızılağac kənd S.Xəlilov adına 1 saylı tam orta məktəbdə keçirilib. Azərbaycan Yazıçılar Birliyinin üzvü, Azərbaycan Yazıçılar Birliyi-Hərbi Vətənpərvərlik Komissiyasının sədri, həmçinin bir neçə nüfuzlu vəzifə sahibi Şahin Musaoğlu şagirdlərlə öz təcrübələrini bölüşüb.
Tədbirə başlamazdan öncə Azərbaycan Respublikasının Dövlət Himni səsləndirilib.Sonra Vətənimizin ərazi bütövlüyü uğrunda canlarını qurban vermiş şəhidlərimizin ruhu 1 dəqiqəlik sükutla yad edilib.
Məktəbin şagirdlərinin ifasında Şahin Musaoğlunun şeirləri və mahnıları səslənib. Müəllifin "Mübariz" pyesindən bir parça şagirdlərimizin ifasında tədbir iştirakçılarına təqdim olunub. Sonda Ş.Musaoğlu ilə xatirə şəkilləri çəkilib.
