Lənkəran şəhər İcra Hakimiyyətinin başçısı şəhid Mail Əzizovun məzarını ziyarət edib. Bu haqda bu gün, 26 noyabr tarixində Cenublu.az Lənkəran RİH-yə istinadən xəbər verir.
Taleh Qaraşovun, icra aparatının məsul şəxslərinin, şəhid ailələri üzvlərinin və ictimaiyyət nümayəndələrinin iştirakı ilə Şağlakücə kənd qəbiristanlığındakı şəhid məzarları ziyarət edilib, qəbirləri önünə gül dəstələri qoyulub və ruhlarına dualar oxunub. Daha sonra icra başçısı şəhidin ailə üzvləri ilə səmimi söhbət edib, qayğıları ilə yaxından maraqlanıb.
Daha sonra Şağlakücə kənd tam orta məktəbinin şagirdləri vətənpərvərlik ruhunda və şəhidlərimizə həsr olunan şeirlər səsləndiriblər.
Qeyd edək ki, Mail Əzizov Vətən müharibəsində göstərdiyi igidliyə görə ölümündən sonra Ali Baş Komandan cənab İlham Əliyev tərəfindən “Vətən uğrunda”, “İgidliyə görə”, “Şuşanın azad olunmasına görə” və “Füzulinin azad olunmasına görə” medalları ilə təltif edilib.
