Lənkəran Şəhər İcra Hakimiyyətinin başçısı Taleh Qaraşov şəhid İqbal Bayramovun anım günündə məzarını ziyarət edib. Bu haqda məlumatı Cenublu.az bu gün, 6 oktyabr tarixində verir.
Belə ki, Taleh Qaraşov, icra aparatının rəsmi şəxsləri, rayon ictimaiyyətinin nümayəndələri və şəhid ailələrinin üzvləri şəhidin məzarını ziyarət ediblər.
Ziyarət zamanı kənd qəbiristanlığındakı bütün şəhidlərimizin məzarları önünə gül dəstələri düzülüb, xatirələri ehtiramla anılıb, ruhlarına dualar edilib.
Qeyd edək ki, mayor İqbal Bayramov dövlət başçısı tərəfindən “Qüsursuz xidmətə görə” 3-cü dərəcəli, “Qüsursuz xidmətə görə” 2-cü dərəcəli, “Azərbaycan Silahlı Qüvvələrinin 95 illiyi” və “Azərbaycan Ordusunun 100 illiyi” yubiley medallarına layiq görülüb. Ölümündən sonra isə “Vətən uğrunda” və “İgidliyə görə” medalları ilə təltif olunub.
