Masallı Rayon İcra Hakimiyyətinin başçısı Araz Əhmədov vətəndaşlarla görüşüb. Bu haqda məlumatı Cenublu.az bu gün, 3 aprel tarixində verir.
Qəbul İkinci Yeddioymaq ərazisində baş tutub. Burada ərazinin sakinləri iştirak ediblər.
Görüşdə Masallı RİHB aparatının İnformasiya təminatı və təhlil sektorunun müdiri Elvin Fəttayev rayon rəhbərinə ötən qəbul zamanı vətəndaşların müraciətlərinin həlli vəziyyəti ilə bağlı məlumat verib.
Yekunda rayon rəhbəri qəbula gələn vətəndaşları narahat edən məsələlərlə bağlı müraciətlərini dinləyib. Qaldırılan məsələlərin bir neçəsi yerindəcə həll olunub, digər məsələlərin həlli istiqamətində müvafiq qurumlara tapşırıqlar verilib.
