Masallı şəhərində Dövlət Gömrük Komitəsinin sədri, gömrük xidməti general-leytenantı Şahin Bağırov Masallı və Yardımlı rayonlarının sakinlərini qəbul edəcək. Bu haqda məlumatı Cenublu.az bu gün, 21 dekabr tarixində verir.
Qəbul 26 dekabr tarixində saat 10:00-da Masallı şəhər Heydər Əliyev Mərkəzində baş tutacaq. Burada Masallı və Yardımlı rayon sakinləri gömrük məsələləri ilə bağlı müraciətlərini səsləndirəcəklər.
İştirak etmək üçün “195” Çağrı Mərkəzi ilə əlaqə saxlamaq və ya Komitənin rəsmi internet səhifəsinin “Müraciətlər” və “Virtual qəbul” bölmələrindən daxil olmaqla (https://customs.gov.az/az/muracietler/sedre-mektub) qəbula yazılmaq lazımdır.
