Cəlilabadda şəhid Üzeyir Mirzəyevin doğum günündə xatirəsi anılıb. Bu haqda məlumatı Cenublu.az bu gün, 22 dekabr tarixində ARB Cenub-a istinadən verir.
Üzeyir Əlisahib oğlu Mirzəyev 19 dekabr 1977-ci ildə Cəlilabadın Uzuntəpə kəndində zəhmətkeş ailədə anadan olub. 1997-ci ilin yanvarında həqiqi hərbi xidmətə yollanan Üzeyir bacarığı və qabiliyyəti ilə qısa vaxtda xidmət etdiyi bölüyün tank heyətində peşəkar tuşlayıcı operator olur. Atəşkəs dövrü olmasına baxmayaraq, Ərdağı yüksəkliyində Üzeyirin də ekipaj üzvü olduğu tank düşmənin qanunsuz silahlı birləşmələri tərəfindən atəşə tutulur. Aramsız döyüşlərdə onların tankı uçuruma yuvarlanır və tuşlayıcı Üzeyir Mirzəyev 23 noyabr 1997-ci ildə şəhid olur. Doğulduğu kənd qəbiristanlığında torpağa tapşırılır.
