Cəlilabad Rayon İcra Hakimiyyətinin başçısı Rafiq Cəlilov vətəndaşlarla növbəti səyyar qəbul keçirib. Bu haqda məlumatı Cenublu.az bu gün, 23 fevral tarixində verir.
Görüş Gülməmmədli kəndində baş tutub. Qəbulda rayonun hüquq-mühafizə orqanlarının, xidmət təşkilatlarının rəhbərləri və kənd sakinləri iştirak ediblər.
İcra başçısı Cəlilabadda aparılan abadlıq işlərindən və əhalinin sosial problemlərinin həlli istiqamətində həyata keçirilən tədbirlər barədə ətraflı məlumat verib.
Səyyar qəbul zamanı vətəndaşların təklif, müraciət və şikayətləri dinlənilib, icra hakimiyyətinin səlahiyyətlərinə aid olan məsələlərin yerindəcə həll olunmasına göstərişlər verilib, araşdırılmasına ehtiyac olan məsələlər isə aidiyyəti müəssisə və təşkilat rəhbərlərinə tapşırılaraq nəzarətə götürülüb.
