“Qəhrəmanlarımızı tanıdaq” layihəsi çərçivəsində “Masallı Gənclər Evi” sosial xidmət müəssisəsinin kollektivi Il Qarabağ müharibəsi qazisi Nəcəfov Toğrul Nəriman oğlunu ziyarət ediblər. Bu haqda məlumatı Cenublu.az bu gün, 10 mart tarixində verir.
Ziyarət zamanı qəhrəmanımızın keçdiyi şərəfli döyüş yolundan söhbət açılıb, qayğıları dinlənilib. Qəhrəmanımız müharibədə qələbə qazanmağının sevincini, döyüş xatirələrini bölüşüb.
Qeyd edək ki, Nəcəfov Toğrul Nəriman oğlu 21 mart 2000-ci il tarixində Masallı rayon Hüseynhacılı kəndində anadan olub. 2007-2018-ci illərdə Hüseynhacılı kəndində təhsil alıb. 2018-2019-cu illərdə çağırışçı kimi hərbi xidmətə yollanıb. Həqiqi hərbi xidmətini Azərbaycan Silahlı Qüvvələrinin N saylı hərbi hissəsində davam etdirib. Qəhrəmanımız Füzuli, Qubadlı və Cəbrayıl rayonlarının azadlığı uğrunda gedən döyüşlərdə fəal iştirak edib, Qubadlı rayonunun azadlığı uğrunda gedən döyüşdə sol qolundan və sol ayağından yaralanıb. 3-cü qrup əlildir.
Azərbaycan Respublikasının Prezidenti cənab İlham Əliyevin Sərəncamına əsasən, Nəcəfov Toğrul Nəriman oğlu “Qubadlının azad olunmasına görə”, “Cəbrayılın azad olunmasına görə”, “Vətən müharibəsi iştirakçısı” və “Cəsur döyüşçü” medalları ilə təltif olunub.
