Astara rayon İcra Hakimiyyətinin başçısı Qəzənfər Ağayevin əhali ilə növbəti səyyar qəbul-görüşü Pəlikəş kəndində olub. Bu haqda məlumatı Cenublu.az bu gün, 22 fevral tarixində verir.
İcra başçısı son illər Pəlikəş kənd inzibati ərazi dairəsi üzrə nümayəndəliyində xeyli işlər görüldüyünü vurğulayıb: Deqadi-Pəlikəş avtomobil yolunun asfaltlanması, heç vaxt yolu və işığı olmayan Şəvqo, Dolu, Sibiyyət, Diqo kəndlərinə avtomobil yolu və elektrik xəttinin çəkilməsi, Pəlikəş, Sım, Dürriyə, Lomin, Şəvqo, Dolu, Diqo kəndlərində yeni məktəb binalarının tikilməsi, Pəlikəşdə xəstəxana binasının tikilib istifadəyə verilməsi, Şümrüd kəndində təbii fəlakət nəticəsində evləri qəzalı vəziyyətə düşmüş 18 ailə üçün inşa edilən yeni evlərin təhvil verilməsi və s.
Görülən işlərlə yanaşı, bu il Lovayın yarımstansiyasından Pəlikəş kəndinə gələn yüksək gərginlikli elektrik xəttinin yenilənməsi, Şümrüd kənd tam orta məktəbi üçün yeni binanın tikintisi, Dolu kəndindən Reqloba istiqamətində yeni avtomobil yolunun çəkilməsi nəzərdə tutulub.
İcra başçısı müraciətlərin həlli istiqamətində tədbirlərin görülməsi məqsədilə aidiyyəti üzrə tapşırıqlar verib.
