"Azərbaycan Xəzər Dəniz Gəmiçiliyi" QSC-nin təcrübəli kapitanı Zakir Balaşov 64 yaşında vəfat edib. Bu haqda məlumatı Cenublu.az bu gün, 30 noyabr tarixində verir.
Zakir Balaşov 1958-ci ildə Cəlilabad rayonunda anadan olub. Ömrünün böyük hissəsini dənizçiliyə həsr edən Z.Balaşov 1976-cı ildə hazırkı Azərbaycan Dövlət Dənizçilik Akademiyasını müvəffəqiyyətlə bitirib. Əmək fəaliyyətinə də elə həmin illərdən matros vəzifəsi ilə başlayıb. Zakir Balaşov “Azərbaycan Xəzər Dəniz Gəmiçiliyi"nə məxsus müxtəlif tanker və quru yük gəmilərində uzaq səfərlər kapitanı vəzifəsində çalışıb.
Müxtəlif illərdə "Azərbaycan Xəzər Dəniz Gəmiçiliyi"nə məxsus “Şuşa” , “Zəngilan” tankerlərində fəaliyyət göstərib. İşinə ciddi və peşəkar yanaşması ilə seçilən Z.Balaşovun Azərbaycan dənizçiliyinə verdiyi töhfə danılmazdır.
